AUGUST 2022

MULA SA SIMBAHAN PARA SA PAARALAN. Upang matugunan at mabigyan nang maayos at ligtas na paaralan ang mga Burolians para sa darating na pasukan, nakiisa at nagpadama ng ispiritu ng bayanihan ang mga miyembro ng Parokya ng San Lorenzo Ruiz-Parish Youth Ministry sa pamamagitan ng paglilinis hindi lamang sa loob kundi sa labas at lahat ng sulok ng paaralan, sa pangunguna ng Youth Coordinator na si John Cedrick Del Rosario na dating mag-aaral ng Burol Elementary.

SANIB-PWERSA PARA SA BRIGADA. Bilang paghahanda sa Brigada Eskwela Kick-off ng Paaralang Elementarya ng Burol, nagsagawa ng Operation Linis ang Green Ladies – Burol Main Chapter sa pangunguna ni Margie Sacote, pangulo, nagpintura naman ng iba’t ibang bahagi ng paaralan ang AKRHO – Pasong Bayog Chapter sa pangunguna ni Danlor Kayle Davies, founder, at nagtabas ng damo at naglinis ng kanal ang mga volunteers mula sa Barangay Burol Main sa pangunguna ni Barangay Captain Rodel Mercado at Barangay Kagawad Rodel Mantele.

KAPIT-BISIG PARA SA BUROL. Bilang suporta sa Brigada Eskwela 2022 ng Paaralang Elementarya ng Burol, binigyang-daan ang isang partnership program noong sa pagitan ng Rotary Club of Dasmariñas sa pamumuno ng kasalukuyang president na si G. Nelson Remulla, ng mga Mang Inasal franchisees at ng paaralan na dinaluhan din ng ilan pang mga miyembro ng Rotary Club na sina G. Mark Lester Magsino, Managing Director ng Mang Inasal, G. Jeward Jardiniano, Managing Director – Mang Inasal Phil. - Franchise, at Gng. Violeta Jardiniano, Volets Resort Owner. Dumalo rin sina Dr. Jhonie Jeff Marquez, Cluster IV Public Schools District Supervisor, G. Gavino Mercado, School Governing Council chairman, at iba pa. Umalalay din sa programa ang iba’t ibang lupon mula sa Barangay Burol Main kabilang ang mga Barangay Kagawad, justices at health workers. Isa lamang ito sa mga partnership activities ng paaralan na itinawid nina G. Ilyn Javelosa, punongguro, G. Merly Brisbin, Adopt-a-School program coordinator, Bb. Reschel Booc, Brigada Eskwela coordinator, at ng buong pwersa ng paaralan.

Burol Elementary School receive blessings from Mang Inasal in Partnership with Rotary Club Dasmariñas Cavite. The donations are worth Php 20,145 of cleaning and learning supplies. Mang Inasal was led by Mr. Mark Lester Magsino, Managing Director of Mang Inasal, Mr. Jeward Jardiniano, Managing Director of Mang Inasal - Franchise and Rotary Club Dasmariñas City was led by Mr. Nelson Remulla, present president.

BIYAYANG DALA NG PAGDAPO NG AGILA SA BUROL. Bitbit ang kanilang mga donasyon para sa Brigada Eskwela ng Paaralang Elementarya ng Burol, ipinaramdam ng Cavite Heneral Matikas Eagles Club, na pinangunahan ni G. Arnel Borleo ,kasama ang ilan nilang miyembro, ang suporta sa paaralan sa pamamagitan ng pamimigay ng school supplies, face masks at mga alcohol na sa kabuuan ay nagkakahalaga ng Php 10,000 pesos. Tinanggap ng paaralan ang mga donasyon nitong Agosto 18 sa pangunguna nina Gng. Ilyn Javelosa, punongguro, Gng. Merly Brisbin, Adopt-a-School program coordinator, at Bb. Reschel Booc, Brigada Eskwela coordinator.

To ensure the safe, secure and conducive learning environment of Burol Elementary School, Rotary Club Dasmariñas Cavite, led by Engr. Nelson Remulla, current president of Rotary Club together with the Rotary Club members, will help provide labor and materials for the installation of 12 donated toilet bowls, rehabilitation of Gulayan sa Paaralan, provision of water pump, roofing for the hand washing areas and other upcoming projects.

MAKA'TAU'NG TULONG. Sa pagsulong, 'di nag-iisa ang Paaralang Elementarya ng Burol dahil kasabay ng Brigada Pagbasa 2022, nakatanggap ang 84 mag-aaral ng food packs mula kina Susanto Cormero Angeles & Cantimbuhan Family, at Ronald Ghester Reyes & Family katuwang ang SNA Food Treats. Pinamigay ito ng mga miyembro ng Tau Gamma Phi & Sigma - Pasong Bayog Community Chapter na may dala ring school supplies para sa mga mag-aaral; partnership at pagtutulungang #parasabata at #parasabayan na magiging tulay para sa pagsisimula ng klase. Ito ay sa pagbibigay-daan ng punongguro ng paaralan, Gng. Ilyn Javelosa, katuwang sina Gng. Myra Garcia, Brigada Pagbasa Focal Person, Gng. Merly Brisbin, Adopt-a-School program coordinator, at Bb. Reschel Booc, Brigada Eskwela coordinator.

‘READ’Y NA. Bago ang unang araw ng pagbabalik-eskwela sa Paaralang Elementarya ng Burol (PEB), nagsagawa ng isang Brigada Pagbasa activity ang paaralan sa pangunguna ni Gng. Myra Garcia, Reading coordinator at Brigada Pagbasa coordinator ng PEB, na nilahukan din ng mga miyembro ng Tau Gamma Phi & Sigma - Pasong Bayog Community Chapter na naghatid ng tulong para sa mga bata mula sa mga sponsors.

WIDER SCALE MONITORING. A representative from Department of Education - Region IV-A CALABARZON checks the readiness of Burol Elementary School in opening face-to-face classes, an act to ensure safety and preparedness of the school, from its premises and documents to all staffs.

CITY CARES. The Dasma City Disaster Risk Reduction and Management Office monitors Burol Elementary School on August 22 to ensure safety and disaster-preparedness of the facilities of the school as the institution welcomes the learners in the first day of returning to face-to-face classes.

DEPED-DASMA CHECKS. Four representatives from the City Schools Division of Dasmariñas monitors on August 22 the readiness of Burol Elementary towards opening face-to-face classes as the school welcomes learners in a blended learning modality.

MAY PULIS, MAY PULIS SA SCHOOL NG BUROL. Upang masiguro ang kaligtasan, seguridad at pagsunod sa COVID-19 protocols ng mga mag-aaral sa Paaralang Elementarya ng Burol, at bilang pagsuporta ng Philippine National Police sa education sector at sa Oplan Balik-Eskwela nito, isang linggong mamamalagi sa paaralan ang dalawang police mula sa PNP-Dasma.